ÜST-dən karantin rejiminin ləğvi ilə bağlı AÇIQLAMA
Redaktorun Seçimi Xəstəliklər

ÜST-dən karantin rejiminin ləğvi İlə bağlı AÇIQLAMA

Son günlərdə ölkə mətbuatında karantin rejiminin ləğvi ilə bağlı Ümumdünya Səhiyyə Təşkilatına (ÜST) aid olduğu iddia edilən açıqlama yayılıb.

1Arada.az xəbər verir ki Report məsələni araşdırmaq məqsədi ilə ÜST-ün Azərbaycan nümayəndəliyinin ictimaiyyətlə əlaqələr üzrə mütəxəssisi Fanara Bünyadzadə ilə əlaqə saxlayıb.

F.Bünyadzadə “Report”a deyib ki, mətbuatda yayılan açıqlama təhrifə uğrayıb:

“Bu, Ümumdünya Səhiyyə Təşkilatının mütəxəssisi Maria van Kerkhovenin hələ avqustun 1-də “Telegraph”a verdiyi müsahibəsindən götürülüb. Lakin onun fikirləri təhrif edilib”.

O qeyd edib ki, müsahibədə karantin rejiminin ləğvindən bəhs edilməyib:

“Müsahibədə karantin rejiminin tətbiqinin yolverilməz və ya ləğvi ilə bağlı hər hansısa fikir mövcud deyil. O, sərt karantin rejiminin yenidən tətbiq olunmamasını tövsiyə edib. Onun sözlərinə görə, bunun keçmişdə tətbiq edilməsi yoluxmanın qarşısını almaq üçün olub. Maria van Kerkhove sadəcə karantin rejiminə bir daha ehtiyac olmayacağına ümid etdiyini bildirib”.

Qeyd edək ki, Maria van Kerkhove “Telegraph”a müsahibəsində bir sıra ölkələrdə tətbiq edilən sərt karantin rejiminin ictimai səhiyyə infrastrukturunu yaratmaq üçün vaxt qazandırdığını bildirib. O qeyd edib ki, sağlamlığa dəyən ziyan, sosial və iqtisadi fəsadlardan dolayı ümumölkə karantin rejimi yerinə lokal karantin tədbirlərinin keçirilməsini tövsiyə edib.

1Arada
1Arada.az sizi tibb, məişət, gözəllik, mətbəx, təhsil, avtomobil sahələrində baş verən ən son yeniliklərdən xəbərdar edəcək. Bunun üçün də sizi facebook, instaqram, youtube, pinterest, tvitter, tumblr sosial şəbəkələr vasitəsilə portalimizi izləməyə dəvət edirik. Sizi maraqlandıran bütün məlumatları 1Arada.az-dan əldə edə biləcəksiniz.
http://1arada.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir