Bu rayonlarımızda koronavirusa yoluxma sürətlə artır
Xəstəliklər

Bu rayonlarımızda koronavirusa yoluxma sürətlə artır

Azərbaycanda karantin rejimi yumşaldıqdan sonra bəzi məhdudiyyətlər aradan qaldırılıb. Yumşaldılmadan sonra son günlər bir-neçə rayonda yoluxma hallarında artım müşahidə olunur. Əsas səbəb isə insanların qayda və qadağalara əməl etməməsidir.

Göyçay və Cəlilabadda aparılan müşahidələr belə deməyə əsas verir. Nə sosial məsafəni qoruyurlar, nə də maskadan istifadə edirlər. Kafe və çayxanalarda da qaydalara riayət edən yoxdur. Karantin rejimi yumşaldıqdan sonra bəzi məhdudiyyətlər aradan qaldırılsa da bir-neçə rayonda yoluxma hallarında artım müşahidə olunur.

Bu rayonlardan biridə Göyçay rayonudur. Görüntülərdən bəlli olur ki, rayon ərazisində karantin qaydalarına riayət olunmur. Qaydalara uyğun olaraq nə ara məsafəsi saxlanlır, nə maska taxılır, nə də gigyenik qaydalara riayət olunur. Maska taxmayanlara Göyçay rayon polis əməkdaşları lazımı ləvazımatlar paylayaraq onlarla profilaktik söhbətlər aparıb.

Operativ Qərargahın açıqlamasına görə yoluxma sayının sürətlə artdığı rayonlardan biri də Cəlilabaddır. Burada da səbəb vətəndaşların qadağalara laqeyd yanaşmasıdır. Sakinlər karantin rejimini kobud şəkildə pozaraq heç nə olmamış kimi darvanıb sosial məsafə gözləmədən maskasız hərəkət edirlər. Rayon polis şöbəsindən bildirilib ki, ərazidə reydlər davam etdiriləcək. Qaydalara əməl olunmasa, cərimələr tətbiq olunacaq.

1Arada
1Arada.az sizi tibb, məişət, gözəllik, mətbəx, təhsil, avtomobil sahələrində baş verən ən son yeniliklərdən xəbərdar edəcək. Bunun üçün də sizi facebook, instaqram, youtube, pinterest, tvitter, tumblr sosial şəbəkələr vasitəsilə portalimizi izləməyə dəvət edirik. Sizi maraqlandıran bütün məlumatları 1Arada.az-dan əldə edə biləcəksiniz.
http://1arada.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir